Hversu oft eigum við að borða á hverjum degi? það er gott að hafa til hliðsjónar að borða 6 til 7 sinnum á dag og með reglulegu milli bili. Einngi ættum við að borða sem fyrst eftir æfingu þannig að endurheimt líkamans hefjist sem fyrst þannig að líkaminn verði fyrr tilbúinn fyrir næstu átök.

• kl. 8 t.d. Cheerios og ávöxtur, ristað brauð með osti, hafragrautur, súrmjólk
  
• kl 10 t.d. Ávöxtur, skyr eða samloka
  
• kl 12 t.d. heit máltíð, salatbar, samloka og ávaxtasafi.
  
• kl 16 t.d. brauð með áleggi, ávöxtur og safi, flatkökur
  
• kl 19 - 20 t.d. fiskur eða kjöt með sósu, pasta eða hakk með miklu grænmeti
  
• kl 21- 21:30 t.d. ávaxtaskál, morgunkorn, popp, hnetur eða saltstangir.

Fyrir átök er gott að borða kolvetnisríkan mat og lágan í fitu u.þ.b. tveimur til þrem klukkustundum fyrir átökin. Þá er meltingunni lokið og minni líkur á hlaupasting. Einnig er blóðflæðið til útlimanna orðið eðlilegt aftur. En úr því dregst á meðan meltingu stendur.
Eftir æfingar og leiki er eins og áður hefur komið fram mjög mikilvægt að borða sem fyrst því kolvetnahleðslan er hröðust fyrstu 30 mínúturnar eftir æfinguna. Ef strákarnir eru ekki að fara beint heim eftir æfingu þá er upplagt að láta þá taka með sér nesti til þess að snæða strax eftir æfingu. t.d. brauð með skinku og osti. Dæmi um góða máltíð eftir átök er diskur sem saman stendur af 1/3 fiski, 1/3 kartöflur og 1/3 grænmeti.

Holl næring skiptir máli fyrir ykkur strákar. Nú veit ég það að sumir ykkar eruð á æfingum hjá okkur 3 til 4 sinnum í viku og þess á milli eruð þið að leika ykkur úti, í frímínutum í fótbolta eftir skóla og í leikfimi. Það vantar ekki að áhuginn sé til staðar það er alveg á hreinu !!!

Því er nauðsynlegt fyrir ykkur að fá ykkur áxeti á daginn. Gott er að taka  ávexti með sér í skólan, fínt að fá sér  í skólanum og  fyrir æfingu jafnvel eftir líka.

Nú ef þið eruð ekki duglegir að borða ávexti getur einnig verið gott að drekka ávaxta drykki eins og trópi.

Í ávöxtum eru fullt af próteinum sem byggja ykkur upp og síðan eru þeir án kólesteról.

Í mörgum tilvikum stendur fólk í þeirri meiningu að mataræðið þeirra sé viðunandi. Hafa oftast ekki tekið neitt saman um neysluvenjur sínar yfir tímabil. Ágætt er að fara inná www.matarvefurinn.is og taka saman orkuþörf sína á degi hverjum. Minnum á tengil hér hægra meginn á síðunni.

Morgunmaturinn er mjög mikilvægur þáttur.  Morgunmaturinn sé mikilvægasta máltíð dagsins og samkvæmt könnunum eru þau sem ekki borða morgunmat feitari en hin sem gefa sér tíma til þess. Einnig fá þeir minna en ráðlagðann dagskammt af flestum nauðsynlegum næringarefnum úr fæðunni.

Mikilvægt er að leggjast ekki í svelti heldur reyna að borða fjölbreytta fæðu sem inniheldur sem mest að næringarefnum. Forðast ber gosdrykki sem mest vegna þess að í  hverjum ½ lítra er um 50 g af sykri. Best er að drekka vatn og er vatnsneysla er í raun mjög mikilvæg. Reynum að minnka notkun sætra drykkja og drekka vatn í staðin. Þó svo sykur sé ekki vandamál, sé hans neytt í hófi þá verður hann vandamál þegar hann kemur niður á hollu mataræði. 

Vil einnig benda ykkur á að kíkja á inn á síðu lýðheilsustöðvar

http://www.lydheilsustod.is

Mjög gott væri ef drengir gætu tekið með sér vatn á æfingar. Við þjálfaranir komum ekki með vatnsbrúsa nema í leiki. Vatn inniheldur enga orku og því er vatn tilvalin leið til að svala þorsta þegar við tökum vel á því eða heit er í veðri. Vatn er góður kostur sem kostar ekki pening og strákanir ættu raun að vera duglegir að drekka vatn bæði eftir og fyrir átök. Því stuðlum við því til ykkar foreldrar að leggja heldur í vana að láta drengina frekar koma með vatn heldur en þeir kaupi sér svo kallaða orkudrykki eftir átök.

Síðan er vatn nauðsynlegt þegar við höldum á mót til að koma í veg vökvaskort. Gæta skal þess að vökva þörfinn getur verið mismundi hjá einstaklingum en hún fer t.d. eftir líkamsstærð, aldri, veðri og hversu mikið við hreyfum okkur. En ef viðkomandi verður fyrir vökvatapi sem samsvarar því að 1-2% líkamsþyngdar tapist getur það valdið höfuðverk, þreytu og lystarleysi og fari vökvatapið í 3-5%  vökvatap á hann í hættu að líkamsgeta hans sé ekki alveg eðlileg.
 
En þrátt fyrir þetta skal líka stilla vatnsdrykkju í hóf

Framfarir og árangur í íþróttum byggist ekki eingöngu á hæfileikum, ástundun og hæfni þjálfarans. Það er margt annað sem skiptir máli, eins og til dæmis að vera upplagður á æfingu þannig að hægt sé að fá sem mest út úr æfingunni. Þar kemur mataræði og næring inn í spilið. Hvernig eru drengirnir að nærast fyrir æfinguna og hvenær er eru þeir að borða. Einnig skiptir miklu máli að nærast eftir æfinguna til þess að endurheimtin geti hafist.
Þegar lagt er stund á íþróttaiðkun þá krefst líkaminn meira af næringarefnum, meiri orku, vökva, byggingarefna og svefns. Einnig skiptir líka máli að þessi efni séu að koma frá réttum stöðum.
Með hollu mataræði erum við að viðhalda líkamanum og sjá til þess að hann fái þau efni sem hann þarf. Orka er það sem heldur líkamanum gangandi og þarf að vera jafnvægi milli orku inntöku og orkueyðslu. Sé innkoma orku mun meiri heldur en eyðslan þá þyngjumst við og sé orku innkoma minni en orkueyðsla þá rýrnar einstaklingurinn. Hvorugt þessara hluta viljum við sjá, sérstaklega í þjálfun á íþróttafólki. inn á vefnum www.matarvefurinn.is er hægt að sjá hver heildarinntaka einstaklinga ætti að vera. þar er líka hægt að reikna út orku og heildarkaloríufjölda mismunandi fæðutegunda.
Ráðleggingar:

• komum reglusemi á mataræðið
• borðum í samræmi við orkuþörfina
• borðum alla fæðuflokkana
• höfum máltíðirnar fjölbreyttar

• Borðum rétt magn
• tökum fjölvítamín og lýsi
  

Eigandi þessa nýja bloggs hefur ekki gefið út fyrstu bloggfærsluna sína. Viðkomandi er án efa í óða önn að velja sér flott útlit, aukahluti, hlaða upp myndum og semja meistaraverk til að færa á spjöld sögunnar. Við bjóðum viðkomandi að sjálfsögðu velkominn á BlogCentral!